大井町日式放題 (Closed)

今日我們喺荃灣做完嘢之後諗緊今晚晚餐去邊度食？咁啱行過大鴻輝「荃灣」中心，我們選擇咗最近都無去過嘅「大井町日式放題」食晚市放題！由於我們到嗰陣嘅時間係比較早，所以好彩仲有位，一坐低之後差唔多唔駛半個鐘就全場爆滿！首先我們叫咗個雜錦刺身拼盤嘅刺身都非常新鮮，當中嘅赤貝係眾多款之中最正㗎，口感超級爽脆，味道極之鮮甜，三文魚嘅肉質相當肥美嫩滑，食落之後口腔內充滿著三文魚油嘅油香味！另外！他們有多款創作刺身同創作壽司，食落覺得配搭出嚟嘅味道相當唔錯，唔會有格格不入嘅感覺！至於手卷我們就揀咗鮮甜嘅海膽手卷同芳香嫩滑嘅吞拿魚腩蔥花手卷，紫菜相當脆身，唔會變腍咗！蟹肉蒸蛋蒸得超滑溜，唔會蒸到表面有氣泡，蟹肉嘅份量都幾多，唔會祇係得表面嗰啲啲，就算食到入中間都仲有蟹肉，真係非常足料抵食，係本人嘅必食推介！除咗入單叫嘅食物之外，仲有自助沙律同自家製創作甜品吧！總括：雖然我們隔咗一排無嚟，但今晚再嚟食，他們出品嘅食物質素，仍然都係保持到水準，真係值得一讚！