Video
Read full review
2008-05-14
18 views
上星期六響megabox小南國搞個舊同學聚會晚飯, 諗住高高興興食餐飯, 點知換來一肚子悶氣! 事緣我地一行七人定了六點晚飯(訂位前已同意八點交檯), 我與同行同學準時到達, 之後坐低就當然係商量一下叫乜野食啦, 此時有一位個名牌寫住"Vincxxt"既待應就好殷勤咁走埋黎介紹佢地既母親節套餐, 基於我地覺得套餐無咩野岩食加上我地成班人無個係母親, 所以我地禮貌地婉拒左, 但係這位待應開始"硬銷"他們的套餐, 話個套餐好抵食, 又夠份量, 仲話有咩菜式唔岩食都可以改, 又話散叫一定唔夠套餐咁抵云云, 仲話套餐有一碗燕窩送添... 因為我地開始覺得佢既硬銷策略已經有d過火(語帶強迫性加上傲慢輕挑態度), 而且我地亦都唔會因為套餐平d而唔岩食都夾硬叫, 所以我地堅持要叫散餐, 而呢位待應最後好自討沒趣咁行開... 之後我地叫散餐, 點了醉雞, 海哲頭, 外婆肉, 小棠菜百頁, 大蝦粉絲煲, 黃金蝦仁, 小籠飽, 生煎飽, 唯一係海哲頭份量細左少少同黃金蝦仁咸左dd, 其餘食物都響水準以上, 尤其係外婆肉不肥不膩, 生煎飽外脆入面juicy, 值得一讚! 但係好戲黎啦, 大約七點廿五分左右佢
事緣我地一行七人定了六點晚飯(訂位前已同意八點交檯), 我與同行同學準時到達, 之後坐低就當然係商量一下叫乜野食啦, 此時有一位個名牌寫住"Vincxxt"既待應就好殷勤咁走埋黎介紹佢地既母親節套餐, 基於我地覺得套餐無咩野岩食加上我地成班人無個係母親, 所以我地禮貌地婉拒左, 但係這位待應開始"硬銷"他們的套餐, 話個套餐好抵食, 又夠份量, 仲話有咩菜式唔岩食都可以改, 又話散叫一定唔夠套餐咁抵云云, 仲話套餐有一碗燕窩送添... 因為我地開始覺得佢既硬銷策略已經有d過火(語帶強迫性加上傲慢輕挑態度), 而且我地亦都唔會因為套餐平d而唔岩食都夾硬叫, 所以我地堅持要叫散餐, 而呢位待應最後好自討沒趣咁行開...
之後我地叫散餐, 點了醉雞, 海哲頭, 外婆肉, 小棠菜百頁, 大蝦粉絲煲, 黃金蝦仁, 小籠飽, 生煎飽, 唯一係海哲頭份量細左少少同黃金蝦仁咸左dd, 其餘食物都響水準以上, 尤其係外婆肉不肥不膩, 生煎飽外脆入面juicy, 值得一讚!
但係好戲黎啦, 大約七點廿五分左右佢地既同事開始發功, 以狂風掃落葉姿態收哂我地d食物碟, 因為我地仲有兩樣食物未食完, 咁我地當然叫佢唔好收住啦, 但之後有一位職位普通的女待應十分鐘內前前後後黎左三次問可以收得碟未, 最後果次仲超唔耐煩咁咀蔑蔑睇錶, 完全徹徹底底咁體現左"今時今日咁既服務態度"!!
最後佢地如願以償響大約七點四十分收哂所有野, 跟住就即刻問我地可以埋單未, 我地當然無鬼睬佢, 傾左陣計十分鐘之後先埋單, 因為佢地咁"頂好"既服務態度, 除左例牌既加一之外呢餐我地係比左0蚊貼士!!
結論: 其實兩粒鐘食個飯傾下計時間一定有鬆動, 都唔明點解呢間飯店既個別待應咁趕迫客人, 令到我地原本一餐開開心心既飯局添上一點瑕疵, 如果生意要好, 光是食物質素並不足夠, 希望負責人可以正視一下服務質素, 畢竟地點唔太就腳, 想客人再來幫襯就要響不足之處落下功夫啦!!
Post