Video
Read full review
2015-02-06
5205 views
同朋友聚舊，放題係一個唔錯既選擇，見呢間今多好評，一直都想來試下，前幾日終於比我試到！ 首先，第一輪更係來番盤刺身，前後order左幾次，第一次係有冰座底，之後已經就今用碟上。三文魚是新鮮的，味道符合預期，而且出手闊綽，件件厚切 。北寄貝和象拔蚌爽口鮮甜。甜蝦非常鮮甜，口感亦軟糯，忍唔住食左好多隻 。希靈魚一般，最值得一讚係店的人氣之選，油甘魚，入囗即溶，柔軟細滑，肉質肥美甘香。可惜我係last order既時候先第一次試到佢…… 所以我下一次再來一定要食番過癮！！推薦 ！！ 軍艦和卷物類冇太大興趣，所以一件都冇試……壽司方面叫左腐皮、玉子、同三款火焰壽司。腐皮壽司尚可，玉子用的不是新鮮雞蛋，而是現成冷凍的玉子磚，so bad ！火焰三文魚佈滿魚的油脂，一上枱魚香撲鼻，入囗嫩滑即溶，魚油充滿成個口腔，而且厚薄適中，必點 。之前有食過某d放題既火焰三文魚壽司，三文魚非常薄，燒完之後得番一張容容爛爛既三文魚係上面。 火焰比目魚壽司的比目魚食左等於冇食，好似淨係食左舊飯，魚好薄好細塊，冇魚味，點完一次冇再點 。至於火焰鰻魚壽司就不過不失手卷冇影到相，只叫了軟殼蟹手卷，上台時炸
首先，第一輪更係來番盤刺身，前後order左幾次，第一次係有冰座底，之後已經就今用碟上。三文魚是新鮮的，味道符合預期，而且出手闊綽，件件厚切 。北寄貝和象拔蚌爽口鮮甜。甜蝦非常鮮甜，口感亦軟糯，忍唔住食左好多隻 。希靈魚一般，最值得一讚係店的人氣之選，油甘魚，入囗即溶，柔軟細滑，肉質肥美甘香。可惜我係last order既時候先第一次試到佢…… 所以我下一次再來一定要食番過癮！！推薦 ！！
軍艦和卷物類冇太大興趣，所以一件都冇試……壽司方面叫左腐皮、玉子、同三款火焰壽司。腐皮壽司尚可，玉子用的不是新鮮雞蛋，而是現成冷凍的玉子磚，so bad ！火焰三文魚佈滿魚的油脂，一上枱魚香撲鼻，入囗嫩滑即溶，魚油充滿成個口腔，而且厚薄適中，必點 。之前有食過某d放題既火焰三文魚壽司，三文魚非常薄，燒完之後得番一張容容爛爛既三文魚係上面。 火焰比目魚壽司的比目魚食左等於冇食，好似淨係食左舊飯，魚好薄好細塊，冇魚味，點完一次冇再點 。至於火焰鰻魚壽司就不過不失
手卷冇影到相，只叫了軟殼蟹手卷，上台時炸蟹仲熱，仲脆唔會林晒，但冇乜食到蟹肉。燒物方面，叫左芝麻雞翼、忌廉粟米焗蠔和香草燒羊架。之前食過旺角吉壽既芝麻雞翼非常好味，係呢到反而令我失望，除左冇芝麻味，雞翼都冇咩味，而且 有種好似m記脆雞翼放左好耐既囗感，唔推薦。忌廉焗蠔好香，雖然蠔有d細隻，不過放題都唔要求今高，忌廉汁調味唔錯。至於個羊架，好多人都推薦，但我就覺得唔單只肉諧，好un好難咬，而且冇乜味，唔推薦 。 串燒叫左牛肋肉同豚肉串，好un，冇乜味，唔會再order，完。
鐵板燒食左大板燒餅同蒜片牛柳粒，大板燒原本唔抱太大期望，點知係幾好食，調味不錯，面粉同海鮮比例正常，餡都好足料，值得一試 。牛柳粒味道正常，但都係un……鍋物叫左個泡菜鍋，個湯好淡，飲都還可以，但d料完全唔入味，豆腐嫩滑，蔬菜都幾林，但主角泡菜略少……
炸物方面，淨係食左芝士年糕同一囗芝士魚餅，芝士魚餅味道普通，但估 唔到芝士年糕竟然成為我最念念不忘既食物，d芝士多到會表演爆漿 ，芝士非常濃郁非常香，令芝士迷既我為之瘋狂 ！！！年糕皮薄，第一次食呢類年糕係唔會覺得濟，叫完又叫，總共order左三次都未夠喉
天婦羅類不過不失，炸漿和調味都適中，日式蒸蛋普通，蛋嫩滑材料豐富，冷盤上的日本珍味其實是椰汁西米，個人認為冇咩特別，冇椰味得個甜字，而且仲幾大碗，有d"晒胃位" 總括而言，金田的剌身類比熟食類優秀(除芝士年糕外)，平均食物以放題質數而言已算不錯，而且服務態度非常 好：我件嬲掛左係椅到，有個姐姐攞左個椅套比我套住件衫話驚d人行來行去整污糟，好體貼 ，值得讚；另外食食下跌左筷子落地，服務生0.01秒衝過來幫我地執番同換左佢，又會同我地講笑，態度非常親切 ，再讚！ 因此我決定，情人節當日再來過！
Post
