Reserva Ibérica 西班牙小食吧及咖啡室 (海運大廈) (Closed)

今日係海港城行街見到呢間餐廳其實好想食好耐，終於我地一行4人決定選定為我地今晚聚舊地點。餐廳做緊Happy hours（至晚上8時）,我地叫左西班牙白酒（味道好清新），買一送一。之後叫左自選套餐有火腿、邪惡又美味既炸物等6款小食，當中我最愛蝦。之後加多左個芝士拼盤及一客我地一致投票贊成全晚最好味既海鮮意粉。餐廳除了環境好食物好，特別要讚下幾位員工好有耐性介紹而且細心留意客人要求。雖然餐廳地點係海港城，但當日全部客人都係我地親切既香港人。