亞萊嘜嘜 (Closed)

今日星期六要返半日，放工時已經2點幾，即時問家人午餐有咩打算。家人話都有段時間無食過亞萊嘜嘜，記得早排第五波最嚴重的時候，呢間餐廳都暫停營業咗超過一個月，每次經過餐廳外面都希望佢地快啲開番！好彩後來終於都恢復營業。搭MTR途中就先打去落外賣自取，落車車站行到去就即時攞得！午餐無論外賣或堂食通常都好快出餐，反而如果晚市就要有啲心理準備要等。午餐幫襯亞萊嘜嘜通常都係簡單，家人今次叫咗火車頭冬陰功金邊粉，我就叫咗乾炒牛河，再加個飛天通菜。全部食物無論份量，味道及質量均保持，價錢亦都尚算大眾化。順帶一提，佢地的無骨海南雞，炸芝士蝦丸，肉碎生菜包都美味，有機會可以試下！