春天拉麵小籠飽 (Closed)

坦白講，佢地既食物又未至於咁差，起碼個小籠包真係做到皮薄多汁，我夾既技巧差，一夾就穿，反而我男朋友夾就無事。$25/4個，算幾好。另外，我地分別叫左一碗酸辣湯拉面同一碗擔擔面，各$25，d面就太幼啦，不過都ok。酸辣湯都算多料，味道可以，不過唔係好夠辣。擔擔面個湯就幾香花生味，不過真係唔辣!佢地d位就真係太迫啦，而且都要等位等好耐，我成8點半去到，都要成9點先有位。如果可以坐我舒服d，而且唔使等咁耐都可以試下。