富田和食亭 (Closed)

前幾天買了團購兩張優惠券, 兩天前訂星期一的位, 不想在晚飯時間同人迫, 已經訂早些六點鐘, 去到時根本一個客人都無, 個戴眼鏡侍應帶我們埋一張兩人餐桌, 在正行人路中央, 我見當時無其他客, 問可否讓我們坐近入面些少的餐桌, 但佢話編好座位不能改, 我又不是要求坐卡位, 祇是同太太不想有坐在路中央的感覺, 但是佢好堅持咁話, "換得實換比你地架", 好...你不肯換就算, 佢收了優惠券行開了, 我們就看餐牌揀選食物, 一直都無人斟茶水, 直至等到我們叫食物, 要提佢地要兩杯水, 至於食物還算不錯, 不過如收正價就不值得, 石頭鰻魚飯飯粒太乾不夠汁, 焗蠔幾好味但三隻其中一隻是超小的, 羊扒就還可以, 壽司一般(寧願買爭鮮), 個侍應態度攪到我們無乜意欲添食, 六點五十分已埋單, 祇是多了一家三口一桌, 另外幾個年輕人坐卡位, 個四眼侍應又問我拿優惠券, 唉...祇得幾台客都咁無記性!? 太太都話不用話佢, 以後不再光顧就是了, 一個不懂得尊重客人的侍應, 就是這樣替老闆趕客走。