韓牛韓式燒烤 (Closed)

好耐冇去韓燒啦，呢日同媽咪去左韓牛韓式燒烤，好鐘意呢類任食韓燒，想食幾多就幾多，除左肉之外仲有好種類既食物！呢間韓燒係創興廣場1樓，上一層就係啦，好方便地方都幾大，就算係2-4人台都好寬落，張台都可以放到好多野食首先肉類方面，推介牛肉，醃得好入味！肥牛d雪花都幾靚，望落又好新鮮，燒一陣就熟，餓既燒肥牛先就最好，五花腩都好靚，薄切相對快熟，燒耐少少就可以脆邊，可以試下唔同口感平少好少見任食韓燒提供咁多款炸物，推介炸雞翼同薯餅，炸雞翼層炸衣唔算好厚，咬落去仲啖啖肉汁，一d都唔乾爭爭，薯餅就好香薯味，忍唔住食左2件呢到仲有好多熟食，韓式粉絲同豬腳薑都好入味！呢到竟然刺身都有，我本身唔好刺身，試左2件三文魚，食落冇咩異味，感覺都幾新鮮甜品種類勁多，除左杯裝雪糕仲有軟雪糕，可以自己加鐘意既topping！仲有好少見既朱古力噴泉同綿花糖機，好吸引，生果都唔少，仲有豆腐花同各種中式糖水飲品方面，除左平時紙杯罐裝仲有水蜜桃同自家製豆漿，豆漿必試！好香豆味，好好飲