韓牛牧場 (Closed)

登龍街不嬲都多美食，見到韓牛牧場的牛肉係由韓國新鮮直送，加上心郁郁想食韓燒放題，所以就試咗~食足兩個鐘都$唔洗300，食物種類超級豐富，質素都唔錯👍🏻環境舒服，座位都幾寬敞舒適。同普通韓燒唔同，韓牛牧場採用光波燒烤爐，唔需要落油，冇咁熱之餘，頭髮同衫都唔會充滿油煙味💓 同埋食物受熱程度都會較平均，但都要睇實d食物，燒得太耐會冇咁好食，但舖頭都有一個Timer俾你計時。前菜、沙律、飲品、水果都係任食，仲可以order串燒等等😻 沙律可自由配搭，飲品都幾多選擇，而都要留肚食水果，啲哈密瓜同西瓜好甜好多汁！整體來講真係一個幾好嘅用餐體驗，食物種類應有盡有，食完真係飽到行唔郁！