梨泰院 (愉景新城) (Closed)

今晚同朋友去咗愉景新城食一間新開嘅韓國菜，整體用餐經驗都幾好。我哋覺得成餐最有驚喜嘅係朱古力雪糕煎糖餅，我哋都係第一次食呢種韓式煎糖餅，外皮口感脆脆地，中間好煙眼，底部有玉桂糖漿，中間都有啲玉桂粉，不過唔鍾意玉桂味嘅就可能一般般。仲有嗌一個伯爵茶味戚風蛋糕，賣相好吸引，打卡一流，蛋糕伯爵茶味濃，口感唔錯。之後有芝士奶香炸雞半隻，每舊都唔算大件，食落方便，芝士醬有啲似平時嘅白汁。仲有烤牛肉紫菜包飯，韓式紫菜包飯冇得輸，食落好豐富。韓式水冷麵，水冷麵可以再冷啲，個芥末醬加埋落去好清新。