校長燒肉日韓料理 (西裕街)

Open Now

Now Closed

今日元朗行完山，想食返餐好的， 醒起有人介紹過呢間放題性價比幾高， 就去試一試佢。招牌維修緊，行樓梯上二樓整層，d位闊落舒服。食物種類真係好豐富林郎滿目， 分類整整有條。分別有燒肉食品，壽司刺生，火鍋食品，甜品雪糕，飲品，同熟食。一開始先食佢既刺生，紅蝦，帶子，三文魚都好鮮甜，解凍做的唔錯，跟住就開始燒肉，個爐有加牛油紙，可以定時更換，野食唔會痴到黑哂，認真抵讚配備左不同既調味品，出面仲有好多不同既汁醬，比你配返唔同既食品。豬頸肉同牛肉條好出色，醃料唔會過重，再加上小小鹽同黑椒已經好好味。熟食都好豐富，有點手同小炒，十分有水準。最後緊係用甜品埋尾，食左好多自家製既蒟蒻，仙草，寒天凍，椰汁水晶粉，其中呢條泰國既黑糯米雪條，有粒粒糯米，咬落好有趣。埋單每日250左右，食物質素對得起個價錢。