味道樂居酒屋 (河內道) (Closed)

尖沙咀居酒屋推介，放工朋友帶我黎食晚飯。呢度嘅菜式選擇好多，壽司、刺身、小食都一應俱全。日或和風設計，好岩成班朋友係到吹水飲野。黑松露溏心蛋，松露味道好香濃，半熟蛋滑溜。加州反卷，非常多三文魚子，口感豐富好爽脆。流心芝士燒年糕，年糕軟熟煙靭，芝士味濃郁，外層燒得好香。芝士免治雞肉棒，仲有帶d雞軟骨，食落有層次感，拉絲芝士好吸引。大蔥厚切日本煙豚腩，豚腩油脂豐富，食落充滿肉汁，同大蔥好夾。石鍋鰻魚炒飯，熱辣辣既石鍋飯，鰻魚已切件，好入味，珍珠米粒粒分明，仲有甜蛋絲係面好滋味。