Video
Read full review
2019-01-27
170 views
最近先聽人推介過呢間緣聚，話難得屯門都有好食既放題，於是就同朋友book黎食。我地兩個坐左卡位，枱都夠大，有個內嵌小電磁爐，即刻就有個念頭想打個邊爐，不過朋友話食放題當然應該食刺身壽司先，於是拿拿臨拎部機落單。部機操作都簡單，揀完野食禁送單就可以等食。刺身：種類唔算多，不過我食開果啲都有，都幾新鮮，拖羅大大塊，而我最鐘意食就係榮螺同甜蝦，榮螺好鮮甜，我地都翻叫左兩次。壽司：個人最鍾情火炙類，味道唔錯，唔會有"gas"味，其中醃漬左口魚邊壽司最好食，上面有微辣既醬，食多幾舊都唔會覺得膩。另外芝士炸蝦卷都好正，呢件我地覺得係全部壽司類入面賣相最正，芝士味香濃，食完即刻落單叫多次。熟野：都有好多，不過我淨係食左幾樣，最好食係芝士獅子狗天婦羅，啲芝士近乎流心，又香又濃，作為芝士控真係忍唔住食多幾舊。另外都有食燒牛舌，初初食覺得燒得幾好，夠軟，但食第二舊已經覺得膩。火鍋：最後為左要食啲菜，都係決定打返個邊爐。揀左蟹粥底，剛開始有腥，烚完一輪菜同菇就變得好鮮甜同冇左陣腥味，如果我唔係太飽絕對會食多碗粥。飲品：好多種類，有成三個櫃，紙包裝、汽水、茶乜都有，連酒都有幾款，而且居然有Hoegaarden
我地兩個坐左卡位，枱都夠大，有個內嵌小電磁爐，即刻就有個念頭想打個邊爐，不過朋友話食放題當然應該食刺身壽司先，於是拿拿臨拎部機落單。
部機操作都簡單，揀完野食禁送單就可以等食。
刺身：種類唔算多，不過我食開果啲都有，都幾新鮮，拖羅大大塊，而我最鐘意食就係榮螺同甜蝦，榮螺好鮮甜，我地都翻叫左兩次。
壽司：個人最鍾情火炙類，味道唔錯，唔會有"gas"味，其中醃漬左口魚邊壽司最好食，上面有微辣既醬，食多幾舊都唔會覺得膩。
另外芝士炸蝦卷都好正，呢件我地覺得係全部壽司類入面賣相最正，芝士味香濃，食完即刻落單叫多次。
熟野：都有好多，不過我淨係食左幾樣，最好食係芝士獅子狗天婦羅，啲芝士近乎流心，又香又濃，作為芝士控真係忍唔住食多幾舊。另外都有食燒牛舌，初初食覺得燒得幾好，夠軟，但食第二舊已經覺得膩。
火鍋：最後為左要食啲菜，都係決定打返個邊爐。揀左蟹粥底，剛開始有腥，烚完一輪菜同菇就變得好鮮甜同冇左陣腥味，如果我唔係太飽絕對會食多碗粥。
飲品：好多種類，有成三個櫃，紙包裝、汽水、茶乜都有，連酒都有幾款，而且居然有Hoegaarden同梅酒！
甜品：特別點左藍海鹽雪糕，口感好特別，綿綿軟軟咁，好扎實唔易溶，都有食到鹹鹹地，好味！臨走前我地去左轉雪糕櫃，先發現有超多款特別既雪糕，有Dreyer's 雪糕雪條、韓國雪條，仲有雪糕三文治，早知留肚食多款雪糕啦！
總結價錢合理，食物質素中上，送食物速度好快，我覺得會再黎。
Post
