牛一香港仔魚蛋粉專門店

Open Now

Now Closed

上幾次堂食過只是一般，環境狹窄，未至於好乾淨，但一定唔係整潔企理。只不過2200時過後，大埔得返呢間越南嘢。所以今日（2023-5-27）去幫襯，起初落單外賣，個收錢阿姐呼喝唔好嘈佢，因為佢要落單，等佢搞掂，語氣不太好咁落左我張單。佢服務態度差到一個極點，外賣已多收兩蚊，叫佢加啲汁又話收錢，問佢平時堂食都係咁加又唔使收錢，之後個阿姨知衰但無認錯，又話加汁上去唔同另外俾，仲罵返人轉頭無話加汁上去。所以我即刻退錢走，以後永不幫襯。唔好食又要受氣，大家唔好再幫襯，除非你犯賤，喜歡俾人罵！如果個阿姐唔係老闆，真心建議該店老闆炒走個阿姐，相信生意會更好，因她不是做生意，而是趕客。