SAVVY

約咗幾個朋友慶祝生日。見呢間自助餐都算新開，又未試過，而且喺尖沙咀海港城，地點方便大家，就嚟試吓。餐廳啲位好舒服，座位與座位之間都好寬敞，我哋六個人安排咗個梳化位，坐得好舒服。服務員非常之細心，我哋叫咗支酒，服務員見我哋飲完都會幫我地斟酒。食物方面，龍蝦同帶子刺身都幾新鮮。熟食唔算好多種類，不過味道都算唔錯。因為朋友生日，餐廳會送一個小生日蛋糕及有蠟燭，侍應都安排得好好。總括而言，成晚大家都食得好開心，整體都好滿意。價錢亦都合理。