古早味休閒台灣 (Closed)

星期六晚總會同一大班朋友食晚飯，朋友預先留咗12位，所以即刻有位，夜晚落大雨，reception 店員都好好咁俾哂傘袋我地。呢間係樓上舖黎，環境幾靚，可能係新開，唔會爆哂位咁，衛生都唔錯。

整體食物飲品係旺區食晚飯黎講都算平，飯/麵$50幾左右，台式飲品有奶蓋、水果茶等，平均$20。晚餐時間冇set跟飲品，要另外加錢。

嘉義雞肉飯+花枝蝦餅

蝦餅$38，點酸梅醬味道好，足料，真係見到有蝦，唔係成舊麵粉咁，所以呢個價錢得4塊仍算合理。


嘉義雞肉飯$50，賣相幾靚，但味道一般，個人覺得個汁偏淡，雞肉唔會「鞋」，份量合理，但成碗飯都細，我食唔飽🙈。另外，食咗朋友一啖麵，會彈牙，湯汁味道👌🏻，早知食麵啦😌。佢d主菜size 比茶木、鐵牛台灣牛肉麵既主菜細，但價錢平少少。


最尾有好多人黎，需要張大枱，店員都好有禮貌同我地講，人地始終都要做生意，所以我地都冇法坐得耐，旺區餐廳正常。餐廳位置多，凳有軟墊，坐得舒服，不過人多傾計就難d,適合一班人短聚食個便飯👍🏻