於是決定食EXP! 仲做足功課睇食評!!
去到一陣 無幾耐就有位,但被安排坐中間果D搭抬位,感覺一般,於是我要求掉坐卡位,個男侍應都願意,但起碼等左20MINS以上,最後都唔算係卡位，只係近溜冰場的一角！
食物方面：
先黎墨魚汁帶子面（唔記得個名):勁讚! 帶子唔係一般帶子 無咩雪味,而同個汁好CREAMY,不過份量略少,每人分得個小小,食多d都唔好意思
之後就大獲好評的鰻魚和風pizza 鰻魚的確肥美 每人岩岩好可以食到兩件,好滿足!
小食方面: 叫了豬頸肉 和 牛舌! 比較上黎,牛舌比較令人留下深刻印象!
入口即溶 好好味 !
飲品方面:每人order一杯 我要左三莓莓!應該係三種不同的莓!好fresh幾好飲!
小插曲: 我地食飯前才偷偷買了個小cake,於是計劃緊幾時拎出黎!!其實都未點食完,個女侍應就黎收野,我心諗咁我點食cake!!
於是我就話可能我地再order食物,佢就好不順氣走左!
無幾耐,我地就擺左個小cake上枱,並吹蠟燭&唱生日歌, 好快個女侍應就行埋黎話呢到唔可以食其他野,咁我地都知衰即刻收番埋個cake!
我就問佢如果切餅費how much!佢話$10一位,心諗個cake咁細唔駛浪費$10丫!!
於是決定去第二度食!!
總之到最後俾錢埋單的時候 連多謝一句都無講 仲要成班女侍應眼啤啤!
食物水準算不錯,但態度認真麻麻 esp女侍應
