眼見係非繁忙時間而又有大量吉枱
咁就想坐卡位
行到去卡位個時
又可能我地兩個咩住個背囊似遊客
比一位紅色短髮女職員指住張二人枱要我地坐低
而呢張二人枱兩旁都係人
但奇怪在左邊正常係"面對面"住嘅二人枱
我隔離個對中年男女又糖痴豆咁要痴住一齊坐
佢地對面張凳就拎嚟擺野
我地兩個就比兩邊人夾住
我地又唔想影響到人
咁唯有我坐梳化位搵兩個背囊當咕𠱸
我知我唔係食緊貴價餐廳
但我都想坐得舒服啲擺到兩個背囊啫
食完又唔會等運到一定即走嘅
大把吉枱又冇人坐
點解唔比我地兩個坐？
我眼見其他人兩個人又可以坐係到吹水
一個人又可以坐4人卡位
我真係理解唔到點解我地就要有呢個唔好嘅體驗
食物就普通
但啲服務真係唔係唔掂
下次食快飯會食其他野
