馬泰

Open Now

Now Closed

今日去銅鑼灣駱克道馬泰食泰國馬來西亞菜😀駱克道有好多食肆，但係馬泰都坐滿左食客，證明食物有一定嘅水準。咖央多士 ($32)多士叮到香脆熱辣辣，麵包鬆軟，咖央醬香甜。無骨海南雞喇沙 ($78)海南雞無骨方便食，雞肉嫩滑唔鞋，好有雞味，喇沙惹味大碗，正宗有油麵加米粉，又有豆卜雞蛋，小辣好食。斑斕蛋糕 ($34)蛋糕賣相靓味道好，蛋糕鬆軟有好香的斑斕味，仲有啲厚奶係上面，如果有得外賣原個蛋糕就好！飲品有凍鹹柑桔水($18)抵飲，芒果沙冰($42)超大杯！兩個人都飲唔晒，有芒果粒，清甜爽口！