咖啡灣 (太和中心) (Closed)

經過見到太和有一間食西餐嘅地鋪《咖啡灣》，餐廳裝修以藍色為主，入面佈置得非常精緻舒適，我哋三個人就一齊入去試吓。店員非常殷勤嘅招呼，即刻攞咗餐牌俾我哋選擇食物，餐牌厚厚的，入面有唔同種類嘅食物選擇，而且圖片非常吸引。首先我們點了幾款小食「焦糖雞翼拼薯角」雞翼有五六隻，面頭有好濃郁嘅甜甜焦糖味道，外皮香脆，肉質滑嫩，非常滋味。「芝士焗洋蔥煙肉薯角」薯角非常大件，賣相好吸引，面頭有厚厚嘅芝士醬汁同埋香草，外脆內軟，食落去好香口。另外再叫咗兩個「黑松露香菇忌廉湯」同埋「香草白酒忌廉煮蜆」一齊share嚟食。「咖啡灣早餐」當中當然有我最鍾意食嘅「炒蛋」，食落去有好新鮮嘅雞蛋味道，而且好Creamy。除此之外，還有薯仔、蘑菇、煙肉片、煙三文魚同埋芝士腸，非常豐富。另外再叫左一個「卡邦尼溫泉蛋意粉」，意粉非常入味，正。最後每人叫咗一杯飲品，由於特飲款式多不勝數，朋友們叫了「藍精靈沙冰」、「粉紅西柚」同埋「蘋果蜂蜜綠茶」。「綠茶鮮奶」綠茶鮮奶拉花好靚，綠色正配合三眼仔嘅外型模樣，超級神似，影完相之後完全唔捨得飲。飲落去綠茶味道苦澀而鮮甜，好好飲。總括而然，所有食物賣相都非常吸引，而且味道好味，難怪有