Video
Read full review
2020-10-02
488 views
黎到深水埗食嘢，今日揀左食餃子，係朋友食過推介話好食的小店，所以今日放假就特登過嚟食！「家後」，睇到佢社交平台介紹家後的意思係賢內助老婆的意思，原來老闆係香港人娶左日本人做老婆，望望人海中遇上真係一件不容易的事🥺 喺疫情之下要經營小店都係一件容易嘅事，中秋4日年假，下午大約兩點門口都要等位，相信都係一間有實力嘅小店💪🏻8隻雙拼湯餃子$38🥟🥟雲耳椰菜豬肉+芫荽豬肉餃子一上菜見到中間個幾舊粉葛，再飲埋啖湯，嘩，係無味精既老火湯！啲湯係可以飲晒㗎😳啲餃子好大粒，皮薄，但係夾起唔容易整穿👍🏻最驚去啲舖頭食餃子一夾起就整穿晒，啲餡跌晒出嚟🙈芫荽味餃子，本身以為撈左豬肉餡料，味道冇咁重，不過老闆用料十足，芫荽味都幾出，好啱鍾意芫荽嘅朋友😛😛8隻雙拼煎餃子$42🥟🥟洋蔥豬肉+香菇粟米雞肉餃子啲餡料好多好豐富，食到粒粒洋蔥、粒粒粟米😋個人比較鍾意食煎餃子，香口啲，用油煎過令到成隻餃子連埋餡料嘅味道都重啲😋好建議大家比多兩蚊食雙拼！可以試多個口味😋另外特別講吓佢有啲辣菜脯，唔會好鹹，又唔會辣到食唔到，味道調得啱啱好😋好好食呀，最鍾意用嚟送餃子，店員好好，佢話唔夠可以再加😍😍家後鮮大腸羹$35😍😍呢個有
「家後」，睇到佢社交平台介紹家後的意思係賢內助老婆的意思，原來老闆係香港人娶左日本人做老婆，望望人海中遇上真係一件不容易的事🥺
喺疫情之下要經營小店都係一件容易嘅事，中秋4日年假，下午大約兩點門口都要等位，相信都係一間有實力嘅小店💪🏻
8隻雙拼湯餃子$38🥟🥟
雲耳椰菜豬肉+芫荽豬肉餃子
一上菜見到中間個幾舊粉葛，再飲埋啖湯，嘩，係無味精既老火湯！啲湯係可以飲晒㗎😳啲餃子好大粒，皮薄，但係夾起唔容易整穿👍🏻最驚去啲舖頭食餃子一夾起就整穿晒，啲餡跌晒出嚟🙈
芫荽味餃子，本身以為撈左豬肉餡料，味道冇咁重，不過老闆用料十足，芫荽味都幾出，好啱鍾意芫荽嘅朋友😛😛
8隻雙拼煎餃子$42🥟🥟
洋蔥豬肉+香菇粟米雞肉餃子
啲餡料好多好豐富，食到粒粒洋蔥、粒粒粟米😋
個人比較鍾意食煎餃子，香口啲，用油煎過令到成隻餃子連埋餡料嘅味道都重啲😋
好建議大家比多兩蚊食雙拼！可以試多個口味😋
另外特別講吓佢有啲辣菜脯，唔會好鹹，又唔會辣到食唔到，味道調得啱啱好😋好好食呀，最鍾意用嚟送餃子，店員好好，佢話唔夠可以再加😍😍
家後鮮大腸羹$35😍😍
呢個有驚喜，每日用新鮮豬大腸製作，所以食出嚟豬大腸比較有咬口，爽口彈牙，同平時食開台式大腸麵線嘅豬大腸唔同！仲有好多一粒粒嘅豬紅，切到細細粒，唔係一大粒求其放落去👍🏻👍🏻落咗啲胡椒粉，令成碗大腸羹嘅鮮味有所提升。係呢啲細微嘅位置都見到舖頭煮嘢食好有心機☺️
小食方面叫咗一碟麻辣雞翼$25
平時食開10小辣嘅我，都有啲招架唔住🤣又真係幾辣喎！食完之後覺得啲辣菜脯一啲都唔辣😛好彩叫咗一罐可樂，如果唔係我應該食唔到。
🌶🌶鍾意食辣既朋友必點！！⭐️⭐️⭐️⭐️⭐️
食完正餐就梗係要食甜品啦！
日式甜品應該係由日本太太整☺️☺️
日式焦糖布甸$20，超級推薦⭐️⭐️⭐️⭐️⭐️
用咗北海道3.6牛乳製作，超級香濃，仲見到佢有一粒粒嘅雲呢拿籽，加埋底下面既焦糖，真係好好食😍😍
另外一件係日式手作芝士蛋糕$20，今日有限定既抹茶味😍質地比較實淨，味道好濃郁！下次可以試埋個原味😛😛
總括來講，平民價錢可以食到好高質素嘅食物係一件好開心嘅事，仲要食得出小店製作食物方面真係放咗好多心機！完全值得喺門口等候入座！👍🏻食完正餐仲可以食甜品🍮值得一提，小店家庭式經營，店主同埋店員都好好服務態度！下次可以再返嚟呢度食，多多支持小店☺️☺️
Post
