味道樂居酒屋 (元州街) (Closed)

先說說等待時間，因為有得book位，加上早左到，基本上係即刻入座！食物種類繁多，但份量算少，我一行兩人就差不多叫晒所有openrice「推介食品」:最令我失望的，就係個個鰻魚飯.. 見人人都叫，心諗實無死，點知就出事了！飯不是用珍珠米，而且頗硬，鰻魚亦不肥美，很乾身.. 食左幾啖就...另外就係個炸池魚仔.. 又乾又多骨，都唔知食緊d mud... 炸雞翼樣靚味道一般，不過為返開要$20/隻 = =" 炸芝士年糕個口感太多粉，唔ok...迷你丼就不過不失，$88值不值就見仁見智啦。值得一讚就是汁燒大白鱔，燒得岩岩好，鱔本身幾肥美！全晚最好的就是梅酒，很有心思的冰鎮梅酒，味道亦不錯，幾易入口。最後當然要提提服務態度不佳，未食完就不停想收碟... 仲有叫左串黑蒜豬肉串漏左單，唉...同堆衛生就真係麻麻地，有好多蚊孳仔飛黎飛去... 因為是小店，坐位較逼。總括而言，食物有待改善，價錢略貴，性價比偏低。