赤柱露台餐廳 (Closed)

星期日大約三點, 只得兩桌人。我地兩人order 左兩個tea set, 炸雞脾set 同肉醬意粉set, 炸雞脾有兩隻下脾, 好熱但冇乜味, 薯條好油; 肉醬意粉都算幾好味, 不過冇特別。負責落單的男服務員戴住個earphone 好似完全聽唔到我地講咩, 每一句說話都要我地重覆三次或以上, 而且佢黑面; 上菜的男服務員則冇問題, 只係目無表情, 我覺得ok。環境方面, 我地坐室內吸煙區, 一抬頭望冷氣糟就嚇親, 極污糟; 而檯與檯之間0既樹(唔知真定假?) 都乾爭爭, 唔擺好過擺。個toilet 則幾乾淨, 最值得欣賞。