海港灣海鮮點心小廚

Open Now

Now Closed

路過，入去試下，店內好多人，幾乎滿座。睇左餐牌，發覺食物種類選擇繁多。有燒味飯或粉麵，價錢合理。有茶餐，多士個類輕小食。又有點心套餐。價錢係相宜，甚至比出邊茶樓係平。仲有各類炒粉麵飯。我地兩人點左炆米同炆伊麵。都係$35。於是一齊分黎食，個份量係普通，剛剛好夠食。味道係不過不失，上枱係炒得夠熱。但................有一點，我有些介意..........個熱呵力既杯係無耳。所以職員係手指握住杯既邊緣擺係枱。當熱飲緩緩放係枱既時候，我內心係有點兒.......特別熱飲係直接口沿杯飲，真係飲到抹枱布既怪味。我唔係話要求幾乾淨，或者你會話出得街食，預左架喇，想要幾衛生啊？但我諗，呢個非常時期，可以的話，熱飲杯轉為有耳會較安心。不過職員服務係有禮、友善的，值得一讚。