Video
Read full review
2018-03-14
314 views
好耐冇打邊爐啦！同朋友去打個邊邊，為開心嘅一日做完結。我地揀左呢間。因為未食過呢間哈哈😂我地去到揀左個象拔蚌海鮮火鍋套餐。呢個餐勁豐富，岩曬我呢啲中意食海鮮嘅人。呢到啲醬料、飲品同甜品都係自助嘅，可以自己岀去自行調配同選擇。飲品種類繁多，甜品種類可能唔算多，但有我最中意食嘅雪米糍，外皮煙韌，內裏甜甜的，好正呀！仲有呀！呢到有魚生食嫁，中意魚生嘅朋友千奇唔好錯過啦！不過我地麻麻地食魚生，就冇叫到嚕。而湯底我地就揀左皮蛋芫茜湯，因為中意較清嘅湯底。首先岀場就係套餐裏嘅海鮮拼盤。每一樣都好新鮮。而且係有冰係底，可以keep住新鮮，唔會變壞，亦可以保持口感。呢個餐拼盤共有7種海鮮。象拔蚌、聖子、蘭花蚌同馬刀貝咬起黎好有口感好爽口。鮑魚一啲都唔似擦膠，雖然我地淥耐左。。而海星斑就普通，淥一陣就好夾起啦，朋友驚唔熟淥左好耐，結果爛曬。之後想講佢啲牛肉，無論係鮮滑牛肉定手切肥牛都好好食好滑。淥耐左都唔會好韌。作為牛嘅終實fans，呢到啲牛真係好正。想買返打返屋企。呢個我地叫左3 round.之後就到蝦啦！蝦係我最平日最喜愛嘅食物之一。我中意呢間餐廳嘅蝦夠爽口同甜，睇得出好新鮮。朋友幫我剝蝦唔洗自己郁
呢到啲醬料、飲品同甜品都係自助嘅，可以自己岀去自行調配同選擇。飲品種類繁多，甜品種類可能唔算多，但有我最中意食嘅雪米糍，外皮煙韌，內裏甜甜的，好正呀！
雪米糍
28 views
0 likes
0 comments
仲有呀！呢到有魚生食嫁，中意魚生嘅朋友千奇唔好錯過啦！不過我地麻麻地食魚生，就冇叫到嚕。而湯底我地就揀左皮蛋芫茜湯，因為中意較清嘅湯底。
海鮮拼盤
29 views
0 likes
0 comments
鮮滑牛肉
33 views
0 likes
0 comments
海蝦
28 views
0 likes
0 comments
之後就到蝦啦！蝦係我最平日最喜愛嘅食物之一。我中意呢間餐廳嘅蝦夠爽口同甜，睇得出好新鮮。朋友幫我剝蝦唔洗自己郁手，正。我地之後都係咁encore蝦。
脆肉鯇片
27 views
0 likes
0 comments
脆肉鯇係我打邊爐必備。爽脆嘅口感好正。我係偏好有口感嘅食物。而且切得夠薄，唔易啃骨。
黃立䱽件
29 views
0 likes
0 comments
呢碟真係好特別。或者係我見識小？我未試過黃立䱽打邊爐。不過呢個就較多骨，要小心食。肉質就係普通魚嘅感覺，不過貪佢夠特別。
手打蝦丸、墨魚丸同鯪魚球
32 views
0 likes
0 comments
手打蝦丸、墨魚丸同鯪魚球好彈牙好滑。好睇得出師傅功力。蝦丸同墨魚丸仲咬到蝦粒同墨魚粒嫁。另外仲有手打雞肉丸食，大家都可以試試。
今次食嘅多以海產類為主，因為覺得好新鮮。野食好快上到。食到我同朋友都飽曬。非常滿足。下次再黎試下其他湯底先🤤
Post
