鋒哥廚房 (Closed)

今次去試一間環境好舒服，而且裝修又靚嘅餐廳🌅💥鋒哥廚房💥要讚嘅係食物種類好多，套餐包咗花雕醉雞煲，好香花雕味，聞到都流晒口水，配料充足。之後仲可以食任食麻辣雞煲同埋打邊爐，超級豐富！打邊爐仲有唔同湯底揀添，我地揀左蕃茄薯仔湯🍅🥔清甜嘅湯底，更加品嚐到食物原本嘅味道！❄️ 安格斯牛頸背，牛味好濃郁，肉質鮮嫩，口感非常好，而且可以無限追加，大飽口腹🌻🌻❄️好多海鮮選擇，而且好多都係任食，值得一試嘅有蝦，賣相好吸引，好重蝦味。蟹嘅賣相豐盛，色澤鮮亮，好多蟹膏，魷魚鬚爽口彈牙，九肚魚唔係度度都有得食，大蜆洗得好乾淨，完全冇沙🌻🌻