竹串日本料理 (Closed)

同同事慶祝生日，第一次試竹串，食物整體可以。但感覺唔好，唔會再回頭食啦，喺呢幢中心大把其他選擇好過佢。鰻魚飯正常，無特別，只係份量多。三文魚帆立貝甜蝦飯唔駛試，甜蝦完全無味 其中一碗魚生飯有條頭髮喺面頭，講完侍應有即刻換過另一碗。食和風便當個同事comment「擺得入口囉，條魚乾爭爭，豬扒無特別」午市只收現金，但無喺訂座時事先同我哋講明.... 我哋13人食左千七蚊左右，因為餐廳係有卡機嘅，負責我哋個枱嘅侍應都有幫我哋問（服務一星係比呢位侍應），只能說經理實在太死板，堅持只收現金... 最後搞到要再落樓撳錢，喺呢頭返工都知呢幢嘢等𨋢等十世，加上lunch time完個個都趕返公司，最後來回用多咗20分鐘先走到。