The Right Place (舊墟直街) (Closed)

夜晚關係，離遠已經被咁sharp既綠色招牌吸引到眼球，就揀哩間食晚餐。一入門口就見到調制飲品區，好多唔同既酒。晚上9點後入座有7折，都慳好多架，不過就要捱一陣餓。西班牙辣肉腸鹹蛋黃煎北海道帶子意大利飯，198蚊，帶子飽滿共有3粒，啖啖肉兼彈牙，意大利飯帶有黏性而且口感比較硬身d，用鹹蛋黃煮過好香，仲可以食到一粒粒鹹蛋黃。海鹽烤焗時令鮮魚，188蚊，廚師已經將條魚去左條大骨，食落就可以啖啖肉咁食，燒得岩岩好，肉質唔乾身好嫩滑，仲有檸檬片和蒜頭夾在魚中間，應該係用黎去走魚腥味。墨西哥菠菜芝士卷，118蚊，外皮鬆脆，又帶點煙韌，口感特別，餡料塞滿好多菠菜。吉蒂醫生，66蚊，荔枝/芒果/菠蘿/乳酸混合已成既飲品，微甜再帶有微酸，幾好飲。烏籠奶蓋，74蚊，烏籠茶/蘋果/乳酸/芝士奶蓋混合已成，7比3既比例，奶蓋好香濃芝士味，如果覺得太膩可以飲下面既蘋果汁，解一解膩，跟住又再飲返奶蓋，層次豐富。