Video
Read full review
2005-03-17
3 views
與友人舊,佢提議去試o下小肥羊,我就唔係咁願去,因為一來我o係大陸試過,知道香港食好唔抵,二來我見呢度o的食評彈多過讚,但友人似乎很想去,那我亦只好奉陪。訂了八點檯,七點九已經去到,但個知客竟然話要等到八點半"第二輪"先可以安排入座。我們當然提出反對,怎麼訂了檯還得等上半小時?而最大問題係平時擠得水洩不通的地下大堂今天只得小貓三數隻,所以有必要跟她理論。她提議我們坐電梯對出的一檯,可以立即有檯,但我們視察過後認為不能接受,所以繼續同佢嘈。到最後佢都讓步,比我地四個人坐張六人檯。而最最最奇怪的就是我們入座後發現其實是有吉檯的,我諗佢咁做法只係想做個"勢"出來,等人以為佢有好多人幫襯。所以各位下次遇到相同情形就記住點都要同佢力爭!!彈完入座安排之後就要講番正題o勒,先講環境。呢度環境都幾好,光猛同好乾淨,檯與檯之間都唔算迫,而食具都好企理。我地坐低o左之後就落單寫o野,待應雖然少,但都好快見到我地揮手,亦都幾有禮貌。我地叫o左:鴛鴦鍋底、羊肉(最平果隻)、肥牛、鮮牛、魚皮餃、雙丸、生根同兩款菜,而熟食就叫o左窩貼同蔥油餅。出乎意料之外,個湯底好快到,而其他食物亦連隨送上,呢度真係值得一讚,
訂了八點檯,七點九已經去到,但個知客竟然話要等到八點半"第二輪"先可以安排入座。我們當然提出反對,怎麼訂了檯還得等上半小時?而最大問題係平時擠得水洩不通的地下大堂今天只得小貓三數隻,所以有必要跟她理論。她提議我們坐電梯對出的一檯,可以立即有檯,但我們視察過後認為不能接受,所以繼續同佢嘈。到最後佢都讓步,比我地四個人坐張六人檯。而最最最奇怪的就是我們入座後發現其實是有吉檯的,我諗佢咁做法只係想做個"勢"出來,等人以為佢有好多人幫襯。所以各位下次遇到相同情形就記住點都要同佢力爭!!
彈完入座安排之後就要講番正題o勒,先講環境。呢度環境都幾好,光猛同好乾淨,檯與檯之間都唔算迫,而食具都好企理。我地坐低o左之後就落單寫o野,待應雖然少,但都好快見到我地揮手,亦都幾有禮貌。我地叫o左:
鴛鴦鍋底、羊肉(最平果隻)、肥牛、鮮牛、魚皮餃、雙丸、生根同兩款菜,而熟食就叫o左窩貼同蔥油餅。
出乎意料之外,個湯底好快到,而其他食物亦連隨送上,呢度真係值得一讚,好有效率!湯底一到,先呷一口湯,非常濃的藥材味,亦很鮮甜,比大陸的還好,而最大的不同是大陸小肥羊的湯底勁多蒜頭,而這裡只有一半左右。
食物方面全都很新鮮,但肉丸比較淋,食落口一pat pat咁,唔係幾鐘意。招牌羊就梗係好食啦,淥兩淥就食得,夠晒羶,正!!而另一推介就係鮮牛片,比肥牛的肉味高出幾倍,又有嚼頭!個麻辣湯底辣o既程度會隨時間下降,不過覺得不及大陸的香。到最後,再飲一口湯,雖然咸o左o的,但就非常鮮味,而且加入了羊羶,又係正!!
呢餐除了初初入座時有點不滿外,整體都算幾好,食飯始終都係食食物嘛~有機會都會再來!
$8一位茶, 埋單共$589
Post