大冒險家餐廳

Open Now

Now Closed

上次去迪士尼睇唔到煙花 ，所以今次晏少少去到，再book埋大冒險家餐廳 個半自助餐星夢光影package，可以慢慢食，再去vip 區睇煙花🎆。半自助餐唔算多選擇，不過基本嘅凍盤🥗，甜品🍮同冷熱飲☕️都有，講真，喺園入面食個麵都百幾蚊，我就寧願加多少少錢嚟呢度，至少坐得舒服，食物又ok。我同老公嘅main各自叫咗牛🥩同魚🐟，而小朋友就係兒童餐，有個mini burger🍔薯條🍟雞脾、啫喱同雜菜。而我同老公嘅魚同牛都唔錯，入口嫩滑，個魚嘅魚皮都煎得好脆口，麵豉醬好入味，對得起個價錢嘅，阿仔都爭住食我個魚😂。煙花8:30pm開始，用餐時間去到7:45pm，我哋再慢慢行返出去vip 區，雖然叫vip但都最好早少少去到好D，因為愈晏就會愈多人，不過叫做企最前，其實已經爭好遠。有小朋友同BB車嘅，如果可以，我建議俾多少少錢join呢個package，成個睇煙花同等嘅過程會舒服好多。