Video
Read full review
2014-08-23
5185 views
同一班老朋友叙舊，見明閣有咁多正面食評，所以去試下。食物同環境都真係一流，超讚!最最推介係個靚湯: 花膠雪耳燉老鴿個湯叫做「金」，落足靚料，花膠大概有手指尾咁長，淋身好味又有骨膠原，雪耳就真係好大舊，老鴿有四份一隻(小隻)，無諗住有咁多料，哩個老火湯爐火純青加以本傷人，又好美又保身，無得輸!飲完個湯食埋湯料已經有D飽~之後哩個片鴨都係推介，所謂有圖有真相:外面脆身，勁可口，最讚係片鴨唔會有層肥膏，食落去唔會覺得好油膩，肉質軟硬適中，有肉汁，好好味道!正呀!!一鴨二食，我地叫左七彩炒鴨絲，唔知係咪因為烤鴨太好味，哩個二食就無咩驚喜，而且略為過咸。仲有叫左哩個八小碟:八小碟包括左大家好讚的叉燒，大致上各小碟也好味，但我都係覺得烤鴨最出色!
最最推介係個靚湯: 花膠雪耳燉老鴿
個湯叫做「金」，落足靚料，花膠大概有手指尾咁長，淋身好味又有骨膠原，雪耳就真係好大舊，老鴿有四份一隻(小隻)，無諗住有咁多料，哩個老火湯爐火純青加以本傷人，又好美又保身，無得輸!飲完個湯食埋湯料已經有D飽~
之後哩個片鴨都係推介，所謂有圖有真相:
外面脆身，勁可口，最讚係片鴨唔會有層肥膏，食落去唔會覺得好油膩，肉質軟硬適中，有肉汁，好好味道!
正呀!!一鴨二食，我地叫左七彩炒鴨絲，唔知係咪因為烤鴨太好味，哩個二食就無咩驚喜，而且略為過咸。
仲有叫左哩個八小碟:
八小碟包括左大家好讚的叉燒，大致上各小碟也好味，但我都係覺得烤鴨最出色!
Other Info. :
用餐環境很適合家庭/大伙兒晚飯
(The above review is the personal opinion of a user which does not represent OpenRice's point of view.)
Post
