豬仔糖水 (Closed)

對於員工態度極為不滿，食物中規中矩。我係土瓜灣街坊，依間甜品唔算非常好食，不過價錢唔係貴所以都黎過好多次，之前都遇過無禮貌既員工，但今日真係火都黎埋，因為發生係媽媽身上。今日我一家三口黎食，入到去某員工叫我地坐卡位，我地都唔係坐低吹水果啲，諗住食完就走。食左大半碗有個"帶黑框眼鏡 眼細 帶耳環 灰T短褲"既男員工走埋黎同我地講，內容大約係：介唔介意調去後面張台，因為出面有堆人等緊。我地都未答佢，佢已經九秒九一手搶左我媽咪仲dup低頭食緊果碗糖水想搬去後面，真係好無禮貌。其實我地當然係唔介意調個位，大家方便姐，但佢咁既態度我媽咪都燥，即刻話：你擺返低，我地食埋即刻走。佢竟然拎起碗野講：不如我幫你拎去後面啦，因為依張係大台黎。既然你係要趕我地去後面，何必又問人地介唔介意呢？其實已經好煩到個客，岩岩開始食就話姐，就黎食完都要人地郁？個客唔願意都要夾硬黎？多人就係客，少人就唔係？真係好唔尊重客人同好無禮貌！其實已經唔係第一次，之前有個阿嬸又係走埋黎拎走個糖水要我地調台，同行既朋友都呆Q左，佢地真係以為"幫你拎就已經就晒你啦"咁既樣。個客唔係老馮要讓咖。老實講，行兩步好閒，但啲員工既態度同行為都