Video
Read full review
2010-07-12
8 views
舊同學約食飯, 其中一位要食齊, 所以嚟咗呢度叫咗一個併盤, 有中華沙律, 素魚生, 素螺肉, 素煙鴨胸, 仲有一堆類似係素海哲的物體個螺肉最似, 無論係個樣同味道或口感都可以以假亂真煙鴨胸個樣做得幾細緻, 但味道完全唔係嗰回事, 小小煙味都無魚生賣相ok的, 點wasabi同豉油食有七成似中華沙律本身都係素, 自然無咩特別仲叫做一個煲, 有唐生菜, 素魚蛋, 素鮻魚肉, 草菇, 豆腐食材同味道都唔特別, 喺屋企都整都嗰隻鮻魚肉個味比魚蛋真一人要咗一隻灌湯餃$18一隻, 我覺得麻麻, 又係入面包啲素魚翅朋友話個湯好味精, 食完好口渴一個芋頭魚餅, 不過不失啦, 竽頭炸得幾乾身, 唔會太油一個日式芥末沙拉骨, 唔係太食到有芥末味啲肉個口感係整得幾似的但成碟都橙色, 感覺好色素免費甜品係桂花糕, 幾好食, 唔太甜, 但桂花味再濃啲會更好服務一般, 朋友叫了兩杯菊花蜜, 待應姐姐說冷熱同價 $12 杯但收錢時張單寫凍飲 $20朋友同收銀解釋落時已問清楚事應(remark: menu根本冇寫凍飲幾錢, 只寫住 $12, 所以朋友落單前已經好醒目咁問咗待應)但收銀嗰位問番我地係邊個待應咁講, 話
叫咗一個併盤, 有中華沙律, 素魚生, 素螺肉, 素煙鴨胸, 仲有一堆類似係素海哲的物體
個螺肉最似, 無論係個樣同味道或口感都可以以假亂真
煙鴨胸個樣做得幾細緻, 但味道完全唔係嗰回事, 小小煙味都無
魚生賣相ok的, 點wasabi同豉油食有七成似
中華沙律本身都係素, 自然無咩特別
仲叫做一個煲, 有唐生菜, 素魚蛋, 素鮻魚肉, 草菇, 豆腐
食材同味道都唔特別, 喺屋企都整都嗰隻
鮻魚肉個味比魚蛋真
一人要咗一隻灌湯餃
$18一隻, 我覺得麻麻, 又係入面包啲素魚翅
朋友話個湯好味精, 食完好口渴
一個芋頭魚餅, 不過不失啦, 竽頭炸得幾乾身, 唔會太油
一個日式芥末沙拉骨, 唔係太食到有芥末味
啲肉個口感係整得幾似的
但成碟都橙色, 感覺好色素
免費甜品係桂花糕, 幾好食, 唔太甜, 但桂花味再濃啲會更好
服務一般, 朋友叫了兩杯菊花蜜, 待應姐姐說冷熱同價 $12 杯
但收錢時張單寫凍飲 $20
朋友同收銀解釋落時已問清楚事應
(remark: menu根本冇寫凍飲幾錢, 只寫住 $12, 所以朋友落單前已經好醒目咁問咗待應)
但收銀嗰位問番我地係邊個待應咁講, 話係個待應答錯
朋友話認唔到係邊個, 收銀覺得我地好似呃佢咁話叫咗凍飲就要收番正價 $20
大佬, 我嚟食飯架, 唔係嚟認人架, 鬼得閒去理你邊個打邊個咩
其實我唔明點解呢類所謂齊鋪會有得做
如果係有心介肉要食素, 就唔應該食呢啲自己呃自己
如果係為健康而食素, 就更加唔應該食
全部菜式為咗整得似肉, 都唔知落咗幾多調味道同色素
分分鐘都衰過食新鮮肉類.....
試過一次, 唔會再嚟, 唔係話佢唔好食, 係俾唔到原因自己再嚟
呢個價錢, 利舞台有更多好選擇
未食過o既朋友, 不妨嚟呢度試下佢啲嘢像真度有幾高
可能別有一番滋味
Post