薈欣•越南

Open Now

Now Closed

炭燒豬扒唔香，凍檬個汁唔知落左乜，食完好口渴。菠蘿炒飯量好足，但係菠蘿唔係加係炒飯入面，係放係側邊，凍既，食落感覺好奇怪，好似飯未食完就食飯後果咁，不倫不類。牛肉湯粉湯底不過不失，蝦餅有嚼勁，不錯。服務態度好一般，要兩杯水都好晦氣地答你轉頭先，有待改善。睇落人手唔算少，但係就係好快咁行過，唔多理客。有幾個位俾廚房把風扇吹到正，雖然有屏風，但係幅屏風係通風既，但係都係照安排客人坐嗰啲位食風。最頂唔順係啲碗碗碟碟都係有崩口，仲要一隻碟有三處崩口，新開既舖頭竟然係咁，好倒胃口，唔衛生又驚整親手。