元元酸菜魚

Open Now

Now Closed

午市突然想食川菜，於是係商場揀咗呢間餐廳食。先前其實都已經食過一次，呢次再試其他菜式水煮牛肉牛肉用上滑牛，非常嫩滑入味，當然有一兩塊係正中筋部，咬唔開啦。個水煮汁都非常到位，有麻、辣、香，油份已經比正宗嘅減少咗，我都放心拌飯吃上海粗炒大大碟，熱辣辣，新鮮上枱夠鑊氣，同時配菜嘅椰菜同甘筍都好足料豐富回鍋肉炒年糕輕微辣勁，令人一試上癮！年糕唔會炒得好油膩、或者黏埋幾塊一齊，而係好平均咁散開上海炒年糕感覺而係改良版，油份少，醬油眼見未到超深色，入口調味亦係適中，冇咗「濃油赤醬」嘅特色，換來比較健康清淡口味服務方面應該有提升改善空間，全場入座率不到一半，侍應安排一個超級風口位兼搭枱位置，我一家四口坐咗幾分鐘就同侍應提出調枱，雖然佢地冇比負面臉色或言語，但係就話潮濕所以開大冷氣？其實只要用個乾地拖掃兩掃就完成嘅事，雖然浪費冷氣嗎？亦明知風口兼搭枱位置又冇爆場都要人地坐？