Video
Read full review
2008-05-26
11 views
呢次係第二次幫襯丠角呢間權發。貪佢地大件夾低食, 當然味道都唔錯。 今次我地8個人去, 一壺香片,一壺 滾水加點左6樣餸。有魚頭煲, 西蘭花炒花枝片桂花蚌, 馬介休炒通菜, 西檸雞等。壺香片無乜味, 又無乜色, 睇到D茶葉係"茶葉"。食物味道, 份量而言, 可算係一間值得一試嘅餐廳/飯店。服務方面, 先說一下點菜和上菜。 其實, 上菜同點菜, 同"一般茶餐廳"無乜分別, 都係叫侍應埋黎, 點菜及上菜, 其間並無任何說話, 即係無人話我地知上緊咩菜, 只係我地自己估, 所以正如上文講 - 同"一般茶餐廳"無乜分別。 其間有試過上錯菜, 但侍應並無任何反應, 無講出餸菜名, 當我地討論緊果碟係咪我地ORDER的餸菜時, 侍應生只係即刻睇一睇單, 然後攞走碟送, 並無同我地講任何野。其實呢D都唔係咩大問題, 只能話佢比茶餐廳服務更普通。令人髮止嘅問題出響埋單度。 埋單時, 侍應好大聲同我地講 - "免茶介, 免收加1 誠惠$449"。當時我地並無為意, 因為有幫襯過, 知道佢地唔收茶介同加1 , 同去茶餐廳無乜分別, 正! 我朋友埋單比左 $460, 佢地找 $11蚊, 我朋友攞左$10蚊走
食物味道, 份量而言, 可算係一間值得一試嘅餐廳/飯店。
服務方面, 先說一下點菜和上菜。 其實, 上菜同點菜, 同"一般茶餐廳"無乜分別, 都係叫侍應埋黎, 點菜及上菜, 其間並無任何說話, 即係無人話我地知上緊咩菜, 只係我地自己估, 所以正如上文講 - 同"一般茶餐廳"無乜分別。
其間有試過上錯菜, 但侍應並無任何反應, 無講出餸菜名, 當我地討論緊果碟係咪我地ORDER的餸菜時, 侍應生只係即刻睇一睇單, 然後攞走碟送, 並無同我地講任何野。其實呢D都唔係咩大問題, 只能話佢比茶餐廳服務更普通。
令人髮止嘅問題出響埋單度。 埋單時, 侍應好大聲同我地講 - "免茶介, 免收加1 誠惠$449"。當時我地並無為意, 因為有幫襯過, 知道佢地唔收茶介同加1 , 同去茶餐廳無乜分別, 正! 我朋友埋單比左 $460, 佢地找 $11蚊, 我朋友攞左$10蚊走, 但果一蚊並唔係比貼士, 而係硬幣唔想攞而已, 點知, 個侍應望一望我地, 應後轉頭走左, 最離譜係, 佢邊行邊"拋"果個1蚊, 然後望向其他侍應, 我地當時即時覺得我地因為誤比"貼士" 而遭白眼。 當時我個FRIEND好後悔咁話, 早知連$1蚊都收返。
呢種態度, 真係唔知邊位"顧客"受得起。 明明講明唔收加1, 唔收茶介, 又要求顧客比貼士抵返條數? 明明只係落單, 上菜, 全程連多謝都無聲又要我地比"貼士", 比服務費? 我敢話, 新X記D侍應, 麥記D收錢員, 怎至街市D大排檔D服務都好過佢地, 最少唔會比面色顧客睇。 我唔見得新X記, 麥記會因為無比貼士而比面色我睇, 唔通佢地D茶唔洗用茶葉沖架?
講真, 去幫襯仲要睇人面色, 呢間野真係"一流"。唔比顧客"唔比"貼士的話, 大可以加服務費, 我地絕對願意比, 無服務態度可言, 仲要我地比"貼士", 真係搵鬼去。
另外, 本人試過10點幾去筲箕灣果間食一碟炒飯, 堂食。 埋單時我比返碟飯個價, 結果個侍應企係度同我講, 得咁多咋? 佢話 "免茶介, 免加1, 連服務費都無?", 食碟飯都要比"貼士", 果時我真係"早知去附近間太X燒味食碟48蚊碟頭飯無咁嬲, 比埋貼士佢, 真係仲貴過太X"
Post