叫咗兩碗麵，其中一個係煎餃子，但啲餃子唔係煎嘅，係炸！炸到好硬，其實幾難食。餃子冇乜特別，另外一碗係淥餃子，都係正常嘅，冇乜特別。又叫咗皮蛋，都係好一般嘅嘢，老實講，譚仔好食過佢。千祈唔好叫佢嗰啲豆漿飲，淡到好似水咁！真係有被搵笨嘅感覺！見到嗰兩個阿姐不停監視啲食客，一見佢食完，幾乎筷子都未放低，就收走曬啲碗碟。收咗啲碗碟之後又繼續監視你！問你啲嘢齊曬未呀咁(淨係想你走咁)。有一枱更加直接叫佢哋埋單！可能過咗40分鐘掛……知你出面有人等位，但都唔需要咁嘅態度趕人，人哋真係有權坐足你限時的40分鐘㗎！
總括而言，如果大家係有被監視嘅辟好，就可以去幫襯下，不過我就唔會再去了！食物又唔係有咩咁特別，都係好一般嘅嘢，無謂貼錢買難受！
