Video
Read full review
2010-02-03
28 views
由於第一城冇地方適合一班人食飯, 所以唯有選擇呢間, 喺食之前已經上嚟睇過d食評, 都已經知道招呼嘛嘛, 但都係幾個月前的事, 諗住而家應該好d, 但其實係一樣..........夜晚六點幾七點左右去攞位, 門口個支客比咗張飛, 寫咗個枱號比我地, 叫我地跟條路直入, 咁我地拎住張飛一直行入去, 見到大堂d枱號全部都係9xx, 但我地係15號, 咁見前面有條類似冷行的物體, 旁邊一路擺滿2人枱, 終於過咗條冷行, 見到左邊有2張4人枱, 右邊係間咗版, 人地設宴的地方, 而我地原本坐的枱就係條冷行盡頭的第一張枱, 果張枱一來細, 坐5個人會好迫, 二來對正人地間房個門口, 三來冷行位, 所以我地又山長水遠地行番出去大門, 叫個支客比過第張我地, 不過出去之前, 我地先行入少少, 見果度有d闊少少的枱, 感覺上又舒服d, 就叫個支客比果d枱我地.............不過坐低之後, 一路都冇人理, 忽然有個待應分杯, 我地就同佢講5位, 佢"哦"完之後, 仍然放底4個透明果隻玻璃杯, 點解呢?? 我諗係因為枱上面放咗4份餐具, 所以佢放4個杯掛?? 真奇怪.....之後叫咗不同待應開茶
夜晚六點幾七點左右去攞位, 門口個支客比咗張飛, 寫咗個枱號比我地, 叫我地跟條路直入, 咁我地拎住張飛一直行入去, 見到大堂d枱號全部都係9xx, 但我地係15號, 咁見前面有條類似冷行的物體, 旁邊一路擺滿2人枱, 終於過咗條冷行, 見到左邊有2張4人枱, 右邊係間咗版, 人地設宴的地方, 而我地原本坐的枱就係條冷行盡頭的第一張枱, 果張枱一來細, 坐5個人會好迫, 二來對正人地間房個門口, 三來冷行位, 所以我地又山長水遠地行番出去大門, 叫個支客比過第張我地, 不過出去之前, 我地先行入少少, 見果度有d闊少少的枱, 感覺上又舒服d, 就叫個支客比果d枱我地.............不過坐低之後, 一路都冇人理, 忽然有個待應分杯, 我地就同佢講5位, 佢"哦"完之後, 仍然放底4個透明果隻玻璃杯, 點解呢?? 我諗係因為枱上面放咗4份餐具, 所以佢放4個杯掛?? 真奇怪.....之後叫咗不同待應開茶, 但過咗好耐都係冇茶, 但一嚟就2個一齊拎嚟..........佢地真係好亂, 完全冇系統做野..............
到叫餸時, 叫咗個待應埋嚟, 講咗d餸的代號比佢, 佢聽到一舊舊, 好似唔明咁, 咁我地叫番個餸名, 諗住等佢易d, 但都係一樣, 好似唔明我地d話咁, 呢個時候, 啱啱有個經理經過, 佢見到都睇到皺哂眉, 然後轉頭番嚟幫我地寫餸, 叫果個幫我地沖水...........
過咗10分鐘, 終於嚟第一味餸, 但食完之後, 待咗成十多分鐘都未再有第二味餸, 即刻追個部長, 個部長隔咗五分鐘左右, 拎咗碟鴨殼炒涼瓜(片皮鴨2食), 跟住話隻片皮鴨皮緊, 好快到.........咁我到就好奇地問 "咁隻鴨片緊, 點解咁快可以拎個殼炒好碟餸呢??" 個部長都忍唔住笑..........haha~~~ 咁好明顯個鴨殼係第張枱架啦!!! 佢話唔好意思要我地等咁耐.........不過是旦啦, 有得食就食住先.......... 跟住隔咗一陣就陸續嚟埋其他餸..............
食哂所有飯餸之後, 當然問有冇糖水送啦!!! 咁我地又搵番頭先個部長, 佢話冇糖水, 不過有生果, 咁我地當然照要啦!!! 係呢個時間, 突然刹出個支客, 問我地係咪埋單, 咁我驚要等好耐, 咁就叫住埋單先,........等到埋完單都未見碟生果出現, 於是再追部長, 佢話叫咗人拎, 好快..............如事姐, 我地叫左3-4次不同人追, 都等唔到, 諗住算數走人, 但竟然見到後面枱冇追都嚟咗個生果...................咁啱個部長再次經過, 見我地未有, 又再幫我地追, 佢話冇人.........咁我地追第個, 個待應竟然話 "乜你地未有生果咩??"........心諗, 如果有就唔駛追啦!!! 而且呢個待應我地之前都有追過, 你果陣時又唔拎嚟??
講咗咁多服務上的問題, 而家講番食物............
海灣咕嚕明蝦球 -> d蝦好大隻, 個汁又唔太酸, 又加埋d菠蘿、青/紅椒、洋蔥
片皮鴨 -> 都片得幾厚肉, 但隻鴨部份位置肥咗少少, d薄餅皮超薄, 所以好快凍, 雖然佢上枱果陣係熱辣辣
涼瓜炒片皮鴨殼 -> 好多肉, d涼瓜唔係好苦, 啱我...........
薑蔥焗蠔 -> 有6隻蠔, 唔算好大隻, 一般size, 超勁多薑蔥, 所以d蠔冇腥味, 好勁薑蔥味, 完全入哂肉
什菜煲 -> 好大煲, 乜菜都有少少, 但個湯好似味精重咗d
Post