本來想叫乾炒牛河，但店員話下午生意太好，賣晒，咁試晚餐咕嚕肉＄90同馳名咖哩豬排飯＄88啦
先黎跟晚餐的雪耳豬骨湯，油菜及跟豬排飯既可樂。可能非常多人叫外賣，上面既餸菜到左半個鐘先有主菜。
雪耳夠晒淋，個湯好潤。另外豬骨靚，有肉香，豬骨既肉唔柴。
1
1
1
主角炸豬排，點解可以咁好食,驚為天人! 非常有肉汁，調味有少少甜，講唔出係咩味，好似五香粉咁。肉質剛好，位置有少少脂肪紋理，所以咬落真係好juicy!
其中一塊好厚
另一塊超薄。 不過我鐘意薄呢塊既口感， 友人就鐘意厚既。其實都幾好，因為厚薄口感真係會有 d 分別，而且兩塊厚真係食唔晒，我已經叫少飯。
咖哩汁非常香濃，只係我同友人都覺得太辣，食到少少咋。
1
晚餐咕嚕肉
友人話非常有獲氣，我自己食都覺得同出面唔同，無出面果種鮮紅色，反而有黑醋既味。同樣，調味都好正。而咕嚕肉既肉位置真係正宗位置，中間有層筋位既部分，煮出傳統水準！
店內裝修傳統，但充滿街坊人情味。我地第一次幫襯，已經見有好多熟客，店員會問佢今晚食咩呀，又會有食客送餅比 d 店員打氣。而煮好既菜式又會由師父專承拎出黎放係客人枱面，講唔該既話，所有店員都一定會回敬唔洗客氣。雖然多食客，但店員都無話催客，仲可以同店員之間或食客有講有笑，真係配服！總之係好食得黎又拎人好舒服既餐廳，推介推介!
