鮨川 (Closed)

我已經幫襯左呢間餐廳好耐，啲食物都keep到水準好高，到而家為止呢度嘅食物都係我喺Omakase入面食過最好食既。近來嘅食物水準都仲keep到，但係服務就每況越下。我唔係話啲侍應態度好差，或者係唔理你，問題係係全間餐廳淨係得一個侍應，有陣時我見到佢已經忙到踢晒腳，我都唔好意思去打攪佢，但係好多時候我飲哂啲茶都冇理由我自己去斟㗎，呢度係高級餐廳嚟㗎喎！尤其是係lunch time嘅時候，差唔多全場爆滿，但係又剩係得一個侍應，師傅又剩係得兩個，啲嘢幾好食要你等半個鐘先有，你都唔想食啦。我諗我以後可能都盡量喺少啲人或者夜晚先過嚟食。起碼可以食得舒服啲唔使食到心情煩躁。