124
雅蘭中心牛角buffet員工服務態度不錯，佢哋態度都好主動積極，喺呢100分鐘入邊我哋已經換咗三、四次網，餐廳環境較大，我哋兩公婆被安排到卡位，坐得都好舒服，唔會好逼夾。
而食物方面
以下係Level 2嘅重點推介🥰😝
❣️嚴選美國和牛牛板腱
板腱肉嘅雪花紋一樣靚！肉質結實中帶軟嫩，中間有條嫩筋，燒香後帶微微嚼勁～推薦蘸蒜蓉燒肉醬，濃味惹味，牛脂香超持久！係介乎和牛同普通牛肉之間嘅平衡之選❤️
❣️厚切腹胸肉
脂肪控尖叫！厚切版本超有口感，燒到表面焦脆，脂肪融化滲入肉層，滿口油香但唔膩！無限Encore🤤
❣️澳洲和牛赤身嫩肩里肌
雖然係赤身，但肉質軟嫩唔柴，帶淡淡和牛清香
燒到五分熟，切開粉紅色肉心，赤身系列建議中火快燒，保留肉汁！
❣️薄燒澳洲和牛赤身
薄切一放上爐秒熟！
入口輕盈唔油膩，適合用黎撈飯食，記得唔好燒太耐，保持嫩滑口感
❣️牛油廣島蠔
蠔肉肥美飽滿🤤 用牛油燒香後，蠔鮮味加倍爆發～入口creamy又juicy，滴少少醬油提鮮，海洋鮮味瞬間湧出，係海鮮類隱藏MVP 🦪
❣️海鮮類（虎蝦、帆立貝）
虎蝦大隻，燒到蝦殼脆卜卜，蝦肉鮮甜彈牙；
帆立貝牛油燒超邪惡，牛油香滲入貝肉，鮮味爆燈，海鮮新鮮冇雪藏味🦐🐚
❣️炸芝士蜜糖年糕
甜品+鹹點 crossover 神作！外層酥脆，一咬開芝士拉絲瘋狂，蜜糖甜香中和芝士鹹味，年糕軟糯煙韌，我哋兩公婆叫咗成六件😝 熱辣辣食真係邪惡到極點🍯
❣️自家製雞腿肉
雞腿肉醃得入味，燒完皮脆肉滑，咬落Juicy，唔會乾柴，滿足感Up
❣️特上豚肉五花
五花肉燒到金黃香脆，脂肪部分焦香唔膩，肉質軟嫩帶甜
❣️招牌牛角飯+溫泉蛋
呢碗飯，係牛角放題嘅隱藏Boss！
加埋溫泉蛋蛋漿湧出，口感瞬間升級🍚
❣️甜品（蘋果朱古力雪糕、芋頭雪米糍）
牛角嘅朱古力雪糕出名濃味好食，今次見到有蘋果味雪糕都試一試，蘋果味好清新，掛住食都唔記得影相，飯後甜點絕對係完美句號🍨
