Video
Read full review
2008-12-03
17 views
上星期五同朋友慶祝生日, 豬腳愛生蠔, 我就不斷提意去呢間, 即使其中一個朋友唔食生, 都掩蓋唔到心裡面團火~~冬風起, 生蠔肥!今次第4次黎...第一round食蠔嘅每人3隻, 唔食生嘅朋友嘅要咗隻翡翠螺, 淨係記得自己食咗:Malpaque 爽脆, 鮮甜到唔似食緊蠔, 正!Fine De Claire & Coffin Bay 都係貪佢蠔味足, 爽口夾鹹鮮~正!**Belon 0000 $75一隻, 好想試但又怕未慣果陣銅味會浪費咗...做得朋友梗要遷就吓, 所以跟住落黎就叫熱葷 :黑松露醬磨姑忌廉湯(兩人份)...好正!意大利什菜湯...茄咪濃, 好味!3色薯皮...出事! 呢個係唔食生嘅朋友點嘅! 但係3色原來係切粒三文魚/帶子+三文魚子鋪在薯皮上, 佢唔食得!...3色唔係好夠鮮甜, 勉強pass.田螺襄茄子...黎到時好香, 我淨係食咗田螺, 味道及質地一般貨色, 不過茄子索曬D汁, 朋友覺得好味!Roasted Rib...個面勁多香料, 幾乎蓋曬D肉味, 但食落口又其實D肉真係無乜味, 肉質略實及太乾身.唔記得乜 steak...講明要medium rare, 上碟係切
今次第4次黎...
第一round食蠔嘅每人3隻, 唔食生嘅朋友嘅要咗隻翡翠螺, 淨係記得自己食咗:
Malpaque 爽脆, 鮮甜到唔似食緊蠔, 正!
Fine De Claire & Coffin Bay 都係貪佢蠔味足, 爽口夾鹹鮮~正!
**Belon 0000 $75一隻, 好想試但又怕未慣果陣銅味會浪費咗...
做得朋友梗要遷就吓, 所以跟住落黎就叫熱葷 :
黑松露醬磨姑忌廉湯(兩人份)...好正!
意大利什菜湯...茄咪濃, 好味!
3色薯皮...出事! 呢個係唔食生嘅朋友點嘅! 但係3色原來係切粒三文魚/帶子+三文魚子鋪在薯皮上, 佢唔食得!...3色唔係好夠鮮甜, 勉強pass.
田螺襄茄子...黎到時好香, 我淨係食咗田螺, 味道及質地一般貨色, 不過茄子索曬D汁, 朋友覺得好味!
Roasted Rib...個面勁多香料, 幾乎蓋曬D肉味, 但食落口又其實D肉真係無乜味, 肉質略實及太乾身.
唔記得乜 steak...講明要medium rare, 上碟係切開咗一舊舊, 明顯見到入面呈粉紅乾身無肉汁, 肯定over 過medium! 內部商議後決定要換, 阿侍者竟然解釋話"係要熟到呢個程度o架, 如果唔係入面會凍." ....真係O曬咀, 咁我地話要medium rare果陣你又唔講, 同埋會凍咪就係解凍唔夠之嘛...激死!! 堅持要換, 阿老板娘埋黎問多次, 咪話比佢聽, 我地唔介意等, 即管灘耐D解曬凍先整...廿幾分鐘後再黎一碟, 都係切開曬 (奇怪!), 個樣望落係medium rare不過仍然無肉汁, 當堂心冷一大截, 啖一口...後悔...其實根本係件扒唔靚, 幾多成熟都係死!
茄汁海鮮意粉...經過乜扒一疫, 大家突然覺得呢個意粉好好味~~講真就真係OK, 意粉軟硬度適中, 汁底帶鮮茄味, 香料味又唔會好搶, 鐘意個blue mussel, 軟糯唔韌!
心太軟 & 南瓜雪糕...唔出色, 不用再試.
總括而言, 下次黎都係飲湯, 食生蠔, 蟹, 鵝肝, 海鮮...就夠.
Post