連韓國人都來光顧的，我們隔離枱就是一對講韓文既情侶用韓文向店員落order。相信味道應該挺正宗的🤭
🐔蜂蜜炸雞拼盤
份量超多，分別有6隻雞翼🐤，6隻小雞膇🐣，2隻大雞膇🐥。好滿足，雞膇食到夠。炸雞外表無包裹着面粉，本以為雞肉會被炸得好乾身，但吃起來既酥脆可口，亦一點也不柴，尤其雞翼，很嫩滑，雞肉里外亦都好入味 。再配賣醃蘿蔔和椰菜沙律食相當解膩。
🐮鐵板燒牛肉
簡簡單單，牛肉配上椰菜、紅蘿蔔絲和洋蔥去炒，鮮味甘甜，調味適中，送飯食更加一流，而且牛肉肥瘦適宜，不會柴。整體來說，簡單且美味。
🍺西柚子味無酒精麗塔
韓劇必有，啤酒配炸雞。雖然係無酒精，但飲落都有啤酒既味道，再加上淡淡既西柚子味，整體很清爽，一口炸雞再配上一口啤酒，好有韓劇既味道。
