虎嘯日式蒸氣海鮮刺身專門店 (亨環‧天后)

Open Now

Now Closed

最近都好有食海鮮嘅念頭，前嗰排就同朋友嚟咗呢一間天后嘅蒸氣刺身專門店！由於朋友都就快生日，所以食咗個貴貴地嘅套餐，但望完佢Menu上面嘅食物就覺得值啦👍🏻套餐個名叫做100%真六釘阿拉斯加長腳蟹套餐~食物方面都幾多，除咗有長腳蟹、藍龍、海鮮，仲有啲刺身頭盤、甜品等等。阿拉斯加長腳蟹:阿拉斯加長腳蟹超巨大，肉質相當濃郁的蟹味，真係好肥美呀！法國藍龍蝦:藍龍蝦嘅肉厚，入口爽甜，口感非常鮮嫩！甲羅蒸烏冬:烏冬滑溜溜，而且仲有滿滿嘅蟹肉添。刺身頭盤:刺身頭盤擺盤好精緻，入面有花龍蝦刺身、象拔蚌、油甘魚、北海道帶子、銀鱈魚、酒漬赤蝦、北寄貝，真係夠晒新鮮。