Coffee Art

Open Now

Now Closed

是日一行3人黎食晚餐，朋友預先拎位，所以去到直接入得，又係好旺場，座無虛席。因為唔想諗直接叫左set dinner入邊既其中3款再另加兩款小食。Set dinner可揀沙律或湯，我地3個都揀左南瓜湯。南瓜湯幾creamy，又食到好足料既南瓜。小食揀左炸粗薯條配黑松露醬同埋焦糖雞翼(3隻)，上次都食過，今次都係心思思想食，果然都係甘好食。然後叫左客黑松露雜菌忌廉汁意粉，忘記左影相。黑松露味好香，意粉軟硬適中，果汁creamy，不過我嫌佢濕左啲。而果蕃茄海鮮意大利飯，其實係好食既，啲飯係有啲咬口既意大利飯，即係唔係淋哂，有啲半生果款意大利飯，我幾中意呢種意大利飯，但可惜果汁我麻麻地，有啲偏酸左啲，海鮮唔錯。成晚3個main入邊我最中意呢個慢煮紅酒牛尾意粉，意粉軟硬度適中，啲牛尾係好淋身，完全唔洗出力咬，牛肉嫩口，根位彈牙，煮得好入味好食，果意粉令我超驚喜，因為超重牛味，食得出有用牛湯煨過下，同埋果牛尾一齊真係好夾。整體黎講，食左幾次都食極唔厭，食物質素高，店員服務又好，朋友剝蝦整污糟左隻手，店員望到仲即刻遞上紙巾，超貼心，下次又會再黎食。