1
第一輪當然瘋狂點刺身，拖羅、三文魚腩、帆立貝、油甘魚、牡丹蝦、甜蝦、長腳蟹，仲有北寄貝、赤貝，全部都好新鮮，淨系呢一盤刺身如果去日本餐廳食都已經好貴，但系放題店就系全部任食！爽！
仲有海膽手卷同三文魚子手卷都系必點，細細件一口一件，過足癮又唔會飽得滯！
第二輪就到中式，豉椒炒蜆夠曬鑊氣，一上枱已經好香，蜆肉鮮甜，又冇沙，當然唔少得蒜蓉蒸扇貝同埋蒜蓉燒蠔，鐘意食海鮮嘅人，千祈唔好錯過
仲有燒乳鴿，熱辣辣好有酒樓質素
呢度仲有酸菜魚，魚肉有好多片，又滑又冇骨，酸辣度適中好惹味
發現咗新產品柱侯牛筋腩煲，牛筋炆得超腍，每一啖都覺得自己吸收咗好多骨膠原😂
食到個人飽到行唔到，但系見到有榴槤都點咗幾件嚟食埋，非常滿足，另外鐘意食雪糕嘅人就千祈唔好錯過，因為呢度嘅Häagen-Dazs同埋Movenpick雪糕都系任食！埋單每人都$300左右任飲任食兩小時真系好抵，下次再食過🤭
