我哋揀咗兩種食法嘅蠔仔。第一種係農家海蠣湯，絕對係開胃首選，湯入面嘅蠔仔鮮嫩多汁，湯汁濃郁，有淡淡海鮮味，而且份量十足
第二種係蠔仔煎。呢個都係佢哋其中一種招牌菜。新鮮蠔仔煎味道不過不失，惟一係略嫌蔥有點多
另外揀左最新推出嘅菜式 — 鹽焗黃花魚，呢個真係賣相幾特別，係鹽焗而成。入口好順滑，感覺似蒸嘅魚肉一樣咁鮮嫩，又冇咩骨。份量唔算多，但口感的確好味，值得推介
興化炒米粉就相對平凡，唔算好惹味，而且材料同米粉好似分開炒一樣，唔算好融合
鮮貝燴絲瓜口感幾好，絲瓜爽脆，鮮嫩多汁，又有瑤柱嘅鮮甜，燴煮得恰到好處，呢道係比較清甜嘅選擇
總括而言，莆田都係值得一試嘅，當晚嘅服務員態度都好友善。食材算新鮮，如果係中意食中菜嘅朋友，都不失為一個幾合適嘅選擇
