大一海鮮火鍋料理 (Moved) New Location

今晚約左幾個同學聚舊，咁耐無見，一定係食火鍋 邊烚邊傾啦。前排聽同事提過大一海鮮唔錯，所以就訂位試試。呢度原來除左火鍋，仲希小菜食的。地方寬敞，張枱又夠大，坐得好舒服。調味醬料俱備。我地點左店員推介話新出既北海道牛乳木瓜魚湯。美國桶蠔同花甲。d蠔除左好大隻，仲洗得好乾淨，一d 都唔馬虎，讚～-桶蠔肉質肥美鮮甜，肉厚口感十足。-花甲無沙，清甜，唔點醬料都好夠味。鮮鵝腸。好開心有鮮鵝腸而唔係雪藏果隻！鮮味好多，彈牙好多喔。魚下巴。好特別！！第一次食，好驚喜，初初以為好似魚雲咁得d骨；但原來魚下巴係咁多肉，肉質仲咁滑！！好好好好味～～雪花肥牛。牛不過不失，不過咁既價錢有咁大碟，的確抵食！唔少得個菜，清清腸胃。好欣賞佢地自製既檸檬薏米水。清甜可口，清熱解渴。打邊爐通常飲五花茶，竹蔗茅根；今次真係好有新鮮感！正。難得一班同學仔可以放低工作，放低家庭片刻，享受一餐美味火鍋。。快樂難求！