Video
Read full review
2024-09-24
895 views
最近一個星期真係忙到飛起，終於搵到一晚可以好好放鬆一下，打算去一間靚靚又近我既火鍋店犒賞自己。朋友介紹咗「湊湊火鍋」比我，佢話呢度既湯底好特別，仲有D特選既食材，聽落幾吸引，咁就帶埋老公過黎試一試。.首先黎講下佢地既「鴛鴦鍋」，我揀左酸菜白肉湯底同台式麻辣湯底。酸菜白肉湯底真係好清甜，粟米同紅棗煲出黎既甜味滲入湯裏面，飲落去吾會太濃郁，岩岩好。薄切既豬五花浸係湯底煮，吾會太肥膩。至於麻辣湯底，果陣香辣味係好紮實，吾會辣得你食唔落，反而食完之後會有一陣陣暖辣。特別提一提，佢地既鴨血同豆腐可以無限添加，鴨血滑滑嫩嫩，豆腐吸哂麻辣湯底精華，味道超級正！.然後講講佢地既「花好月圓海鮮拼盤」，海鮮真係好新鮮，基圍蝦夠彈牙，仲有D鮮甜味。扇貝肉質嫩滑，但又保持一D嚼勁。至於白鱔片，片薄但吾會散開，入口爽滑。鮑魚緊係彈性十足，食落去有D煙韌，真係非常有咬口。最後嘅既海蜆，肉質細嫩，配搭湯底真係一絕。.至於「企鵝賞月」，一聽個名就知真係萌爆！由墨魚漿做既企鵝造型超可愛，煮熟之後口感彈牙，吾會過實，輕輕咬落去仲有D海鮮既鮮味，越食越香，真係又Q又好食.而「新鮮白鱔片」冰鎮上枱時已經睇得出佢新鮮得黎好乾淨
最近一個星期真係忙到飛起，終於搵到一晚可以好好放鬆一下，打算去一間靚靚又近我既火鍋店犒賞自己。朋友介紹咗「湊湊火鍋」比我，佢話呢度既湯底好特別，仲有D特選既食材，聽落幾吸引，咁就帶埋老公過黎試一試。
.
首先黎講下佢地既「鴛鴦鍋」，我揀左酸菜白肉湯底同台式麻辣湯底。酸菜白肉湯底真係好清甜，粟米同紅棗煲出黎既甜味滲入湯裏面，飲落去吾會太濃郁，岩岩好。薄切既豬五花浸係湯底煮，吾會太肥膩。至於麻辣湯底，果陣香辣味係好紮實，吾會辣得你食唔落，反而食完之後會有一陣陣暖辣。特別提一提，佢地既鴨血同豆腐可以無限添加，鴨血滑滑嫩嫩，豆腐吸哂麻辣湯底精華，味道超級正！
.
然後講講佢地既「花好月圓海鮮拼盤」，海鮮真係好新鮮，基圍蝦夠彈牙，仲有D鮮甜味。扇貝肉質嫩滑，但又保持一D嚼勁。至於白鱔片，片薄但吾會散開，入口爽滑。鮑魚緊係彈性十足，食落去有D煙韌，真係非常有咬口。最後嘅既海蜆，肉質細嫩，配搭湯底真係一絕。
.
至於「企鵝賞月」，一聽個名就知真係萌爆！由墨魚漿做既企鵝造型超可愛，煮熟之後口感彈牙，吾會過實，輕輕咬落去仲有D海鮮既鮮味，越食越香，真係又Q又好食
.
而「新鮮白鱔片」冰鎮上枱時已經睇得出佢新鮮得黎好乾淨，夠薄，落鍋之後滑溜溜，入口柔嫩，完全無腥味，而且吸哂湯底既精華，真係好滋味
.
而我最期待嘅既就係佢地既「美國特選級牛肩胛肉」。牛肉入口即溶，脂肪分佈均勻，肉質非常柔嫩多汁，黎自美國農場，係玉米飼養既肉牛，所以冇一般牛肉既草腥味，仲有一陣淡淡既牛油香味。呢款牛肩胛肉真係食完會回味無窮，值得一試！
.
再黎就係「爽口牛黃喉」，煮過之後仲Keep到佢既爽脆口感，每一口咬落去都係脆卜卜既感覺，夠有嚼勁，口感層次豐富
.
最後一樣係「油墨菜」，煮熟之後葉質仲keep到佢應有既嫩滑，菜味清甜，配搭湯底一齊食，清清地又健康
.
當然吾少得佢哋嘅台式飲品啦，點左「雙柚愛玉茉莉冰沙」同「雙柚愛玉茉香茶」。呢兩款都係由愛玉搭配茉莉花茶，清新得黎仲帶有少少酸甜既味道，特別係冰沙，食落去冰冰涼涼，超級消暑解渴。至於茉香茶就岩岩好解一解餐後既膩感，唔會太甜，有帶陣陣茶香，感覺非常清爽
Post
