鮨樂 (屯門時代廣場南翼) (Closed)

今次同阿媽食飯，店內坐滿，好彩安排到吧枱，可以睇住師傅準備嘢食。叫咗幾款壽司，包括海膽軍艦，拖羅壽司，三文魚反卷，另外仲叫咗象拔蚌三食同軟殼蟹手卷。海膽軍艦鋪滿滿嘅海膽，一啖係食唔晒㗎！相當鮮甜帶有少少嘅海水味喺口腔入面慢慢散開，而拖羅壽司亦都相當肥美，象拔蚌分別刺身同埋黑松露炙燒，內臟就酥炸。象拔蚌爽脆鮮甜。炙燒味同黑松露互相平衡，相當滿足。最後食埋個軟殼蟹手卷同埋三文魚反卷，飽飽。當日我留低咗把遮，打返去佢哋幫我收起咗，叫我得閒去攞返，服務一流。